[ندعوك للتسجيل في المنتدى أو التعريف بنفسك لمعاينة هذه الصورة]
ان الهاتف المطلوب لايمكن الاتصال به الأن
وانا والله ياعالم كرهت الحب واحواله
مدام اللي تمنيته قطع وصلي ونوى هجران
علام الخل مايسئل ومقفل دوم جواله
رسايلنا تجي وتروح وخلي ماظهر او بان
والمشكله انه بعيد ولا كرمني باتصاله
افرح لا دق جوالي احسب انه علي ولهان
واقول ألو من الفرحه وانا حالتي حاله
ويطلع شخص يبي فلان واقوله للاسف غلطان
صحيح الحب يلعب بي وظروف الوقت محتاله
انا اشتاق وأتألم وادور في الحزن خلان
انادي خلي الغايب عسى الافراح تنخى له
واذا هزني شوقي لحبه والضلوع اوطان
راسلته الين يقول تم ارسال الرساله
وانتظر جالسه عساه يرد ولكن ماشعر وجدان
طفت شاشة الجوال وخلي ضاوي جواله
هذا الهاتف المطلوب مغلق الى حد الان
الا من هو يبيع الصبر وكل العمر يهدى له