....
...
..
.
ليتك ياصاحبي عن الحال داري
وتشوف ماشفته حلم ولاحقيقه
...
البارحه يوم كثرت علي الطواري
والراس يشكي من صداع الشقيقه
..
طيري شلع يتبع لجول الحباري
أدعيه وعيا متجه في طريقه
..
عرض له اللي فيه كل المواري
زين والصوف والمشاعر رقيقه
..
حاولت اجنب عنه يمين ولا يساري
وقلبي عصاني كن وسطه حريقه
..
قلت السلام وقال وش الطاري
جنب ودربي يافتى لاتـعـيقـه
..
شكلك يدل انك مثقف وقاري
وحنا بشهر يحرم عليك العشيقه
..
لو كنت تـقـراء مانقله البخاري
ماتعترض دربي بوسط الحديقه
..
قلت العفو ..قلبي هو اللي دماري
شتت جماهيري وشتت فريقه
..
وخلاني اسهر لين يطلع نهاري
واجاوب المسحواب والحن طواريقه
..
والعذر منك جاك كل اعتذاري
ماكتب ربي للعاشق وياعشيقه
..
لاتتعب افكارك ولاتتعب لي أفكاري
قريتها.من عيونك.تقول الحقيقه
..
..وسلامتكم..